ثالث سر من اسرار التميز مع خطيبك ( الحنيه)

 الحنـــــــــــــــــــــــان

الحنان او الحنيه زى مابنقول بجد حاجه هايله والمفروض الصفه دى تبقى موجوده فى كل بنت وست
دايما تكونى اول واحده تسالى على خطيبك اول مايصحى ووتأكدى عليه يفطر
وتقوليله لما تنزل الشغل طمنى
وفى نص اليوم كده ابعتيله رساله فيها دعوه حلوه
وبعديها بشويه اتصلى بيه قوليله ممكن تجيب اى بسكوت تاكله مع شاى علشان تقدر تواصل شغلك وانت مرتاح
وتطمنى عليه لما يروح
لما يكون عايز يحكيلك مشكله اسمعيه بكل اهتمامك وتركيزك وناقشيه فيها وحاولى تحليها معاه
لو حاجه مضايقه حاولى بكل وسعك وطاقتك تخففى عنه وتكونى انتى سنده فى الحياه
لانك اسمك شريكه حياته يعنى كل حاجه بينكم بالنص حتى حزنه وفرحه لازم يكونلك نصيب فيه
لو حستى انه مضايق من حاجه وانتى مثلا عايزه تحكيله عن مشكله او فى حاجه مضايقاكى او عايزه تعاتبيه على اى حاجه
اجلى كككككككككككل ده لحد مايهدى ويروق ويكون احسن علشان ماتحمليهوش فوق طاقته
لو انتى زعلتيه فى حاجه لاتترددى فى انك تعتذرى وتجيبيله هديه تصالحيه بيها
ماتستغربوش يابنات كل دى انواع من انواع الحنيييه
الحنيه للى اختفت وغلبت على طباعنا القسوه اكتر على خطابنا وازواجنا واولادنا
يوم ماتكونوا بتختاروا حاجه فى العفش وانتى عاجبك حاجه وهوا عاجبه حاجه تانيه خالص علشان الفلوس معاه مش مكمله اوعى تتشبثى برايك قوليله اللى يعجبك يعجبنى
هيقدرك اوى وهيشيلك فوق راسه
وبعد كده لما ربنا هيرزقه هيفتكر وقفتك جنبه ومش هيحرمك من حاجه
لو حسيتيه مخنوق من حاجه طبطبى عليه بكلامك الحنين بخوفك عليه واهتمامك بيه
خليه يحس انك فعلا شريكه حياته
ساعتها هيتشدلك اكتر هيحبك اكتر وكل كبيره وصغيره هيحكيلك عليه
لو عمل حاجه بتضايقك وجه اعترفلك بيها اوعى تتنرفزى ولا تزعقى خليكى حنيييييييييييينه عليه
قوليله حصل خير 

وياريت ماتكررش الحاجه دى تانى علشان بتضايقنى
بكده عمره ماهيندم انه حكال على حاجه
صدقونى يابنات هتبقى فى نظره حاجه تانيه
والاهم انك هتكونى مميزه