نصائح لكى عروستى تفيدك فى بداية حياتك الزوجية

شوية نصائح جمعتهم ياارب يفدوكوا

1- حطى تحت مخدتك حبة نعناع او لبان وأول ما تصحى من النوم حطيها فى فمك وأمضغيها هيكون ليكى نفس منعش وجميل ودا مهم سواء فى أول ايام الزفاف أو بعد كدا
وعودى زوجك انه يشم منك ريحة جميلة دايما

2-اللانجريهات الخاصة بيكى ( قمصان النوم ) أوعى تغسليها فالغسالة
حطيها فى أى وعاء بلاستيك فيه ميا ومسحوق غسيل وتغسليهم بأيديكى الحلوين عشان الغسالة بتبوظ اللانجريهات فى وقت قليل جداا

3-ياريت زوجك ميشوفش اللانجيري المغسول بتاعك او اى ملابس داخليه مغسولة خاصة بيكى يعنى تغسليهم وتنشريهم على المناشر الموجودة عندك فالتويليت وتشيليهم قبل ما ييجى من شغله
وأتعودى ان زوجك ميشوفش هدومك الغير نظيفة أبدا 

4-اهتمى بكعب رجليكى ومتمشيش حافيه وتهمتى بأظافر رجليكى زي ايديكى بالظبط... أتفقنا يا عروسة ؟؟؟

5- اوعى جوزك يشوفك وانتى بتزيلى شعر جسمك ,, بعض الرجال يتقزز من رؤيه زوجته فهذا الوضع ,, يعنى قومى بأمورك الخاصه فعدم وجوده 

6-الأهتمام بالنظافة الشخصية مهم جدااا وانك تغيرى ملابسك الداخليه مره او مرتين فاليوم دا برضو مهم , والأستحمام اليومى فالصيف مهم جدااااااا

7-شعرك فأول فترة الجواز أكيد هيتغسل كتير وهيتهلك فعشان يكون شكله أفضل من غير سيشوار وتلف زيادة بعد الغسيل نشفيه وحطى كريم تصفيف للشعر ولفى خصلات شعرك على ايدك فهيبقى كيرلى وأهو منه تغيير 

8- متكتريش من البرفانات واشترى الأحجام الصغيره عشان الملل يعنى مثلا اختارى الفواكه والعطور الخفيفه بالنهار
والتوابل والعود بالليل دا( أكيد فالبيت بس )

9-مكياج البيت لازم يكون خفيف والافضل يكون هو روج هادى وكحل وممكن بلاشر

10- لا داعي لقص و تغيير لون شعرك في بداية الزواج و خليها مرحلة لاحقة على الاقل بعد حملك وولادتك الاولى وكوني ذكية في ادارة حياتك الزوجية و لا تستنفذي كل افكارك و مخططاتك الرومانسية و تكتيكاتك الشكلية والا انتهت و فضلتى تدوري و تبحثي و تسألي " مين ينجدني بليلية رومانسية اصلي خلصت و عملت كل شىء !! " فقط كل فترة لتجديد الحب وحتى تكونى دائما متجدده ومفاجئة زوجك باجمل اشياءك