الغموض اول سر من اسرار الجاذبيه
كل ده علشان الاقى حلها وغصب عنى بتعلق بيها لان الغموض بيشد الانسان جدا
وهوا ده بالظبط احساس الخطوبه
انتى غامضه بالنسبه له
لسه مايعرفكيش
لسه انتى بكسوفك وخجلك منه
لسه مايعرفش عنك حاجه
فغصب عنه مشدود لك عايز يعرفك اكتر
وبيفضل يكلمك فى التليفون بالساعات ويجيلك بالليل يقعد معاكى فى بيت اهلك
ويروح يتصل بيكى فى التليفون
علشان انتى لسه بالنسبه له غامضه مااكتشفكيش
طيب فيها ايه لما تفضلى بالنسبه له غامضه
فزورة مش لاقى حلها
مااقصدش انك تخبى عنه حاجات ولا ماتصارحيهوش بكل حاجه فى حياتك
لا ياقمر الغموض يعنى تفضلى بخجلك علطول
تفضلى شايفاه خطيبك اللى اتعرفتى عليه لأول مره
يفضل شايفك البنوته اللى شافها اول مره وقال لاهله هيا دى اللى عايز اخطبها
اوعى تتباسطى معاه
يعنى مثلا ماتوصلش فى مره انك تقوليله اى لفظ مش تمام
يعنى يفضل اهله عندك فوووووووووووووق لانهم اهلك انتى كمان
اخواته هما اخواتك واكتر
لو تعبان انتى تجرى عليه وتساليه مالك وفيك ايه وتفضلى معاه لحد مايبقى احسن
لو مضايق تطبطبى عليه( طبعا تكون الطبطبه بالكلام مش بالايد بلاش تلاكيك فاضيه)
لو مثلا بيجيلك كتير اتصلى عليه فى يوم وقوليله ايه رايك لو تقضى اليوم النهارده مع اصحابك وتجيلى انا فى اى يوم تانى اكيد نفسك تخرج معاهم وتتكلموا مع بعض
خليكى دايما انتى فاكره اعياد ميلاد اخواته وباباه ومامته وفكريه بييها وبردو تهنيهم انتى كمان بالمناسبات دى قبل اى حد تانى قبله هوا شخصيا
اوعى تنسى مناسبه تخصه
اوعى صوتك يعلى عليه فى يوم حتى لو مضايقه منه لانك انتى كمان مش هتقبلى انه يعلى صوته عليكى
بالهدووووووووء كل المشاكل تتحل
اوعى تضحكى بصوت عالى ليه لان الضحك بصوت عالى هيحسسه انه قاعد مع عبده صاحبه مش مع خطيبته
عارفه بقى كل ده هوا الغموض اللى انا اقصده
يحتار فى امرك مايبقاش عارف انتى بشر ولا ملاك ولا ايه ؟؟؟
ايه الغموض اللى فيكى ده كله ايه البنت الغامضه دى؟؟
هتشديه لييييكى بكل ده
ولو شاطره تستمرى على كده بعد الجواز
احنا بنحط الاساسات دى علشان تبقى دى طباعنا علطول مع ازواج المستقبل
ليست هناك تعليقات:
إرسال تعليق