انوثتك ياتري بقي انتي فين منها؟؟؟
كتير مننا يابنات بتنسي انوثتها وتتصور انها كدا مهتمة بيها ومظبطاها ،طيب تعالي اقولك بقي يعني ايه انوثة
1-الشعر
شعرك مش مهم طويل ولا قصير بس المفروض يكون لامع صحي مش مقصف مبيتساقطش قوي،وريحته حلو ودي مهمة مهمة مهمة جدااااااااااااااا
2-البشرة
بردو مش مهم انتي بيضة ولا سمرة لكن بشرتك المفروض تكون بتلمع (عشان صحية مش عشان مليانة دهون)
صافية مفيش هالات(الا اذا كانت وراثية ) نضيفة مافيهاش شعر (دا لازم وحتما ولابد)،وطبعا تكون بشرة مش مرهقة،واكيد لونها موحد
3-الجسم
المفروض يكون جسمك كانثي يكون مشدود مفيهوش ترهل لونه موحد مفيهوش مناطق ولا اغمق ولا افتح من الباقي
وطبعا لازم يكون متقسم ورشيق،مفيهوش شعر(انا قصدي طبعا انك لازم تحرصي علي ازالة الشعر اول باول)
ريحة جسمك علي طول تكون ريحة تهوس انتي انثي انثي (اوعي تنسي عشان خاطري انك انثي)
وطبعا بالاخص تحت الابط والمنطقة الحساسة هما دول العلامة بتاعتك طول ماهما ريحتهم دايما حلوة
يبقي اكيد انتي انثي من الدرجة الاولي
جسمك كمان حتما ولابد يكون عامل زي الحرير من النعومة وزي المراية من اللمعان(هاتقوليلي ازاي يعني ده صعب اوي)لا والله مش صعب ابدا بس احنا اللي بنصعبها
4-ايديكي وكعوب رجليكي
دول بقي عنوان انوثتك بجد يعني مش ممكن تكوني انثي شيك كدا ورقيقة ويكون كعب رجلك ناشف ومشقق
استحالة ولا تكون اديكي خشنة وضوافرك مكسرة(حتي لو انتي بتشتغلي في بيتك مواعين ومسح وكنس والذي منه
هاقولك كلنا كدا واكيد انا كمان بس بفكرك تاني اوعي تنسي انك ست يعني امراة يعني انثي،اهتمي بنفسك وانوثتك
واوعي تقولي انا مش جميلة ابدا لو كنتي مثال للانثي بقي اللي اتكلمت عليها في السطر اللي فاتت طبعا واسلوبك كمان يكون اسلوب انثي يعني رقيقة مطيعة صوتها واطي ولطيفة
تفتكري في حد في الدنيا يجرؤ يقول الانثي دي مش جميلة
اكيد استحالة
وبقولك والله العظيم الحاجات اللي كتبتها دي تقدر كل واحدة فينا انها تكون احسن كمان منها بس احنا اهملنا
وسيبنا نفسنا ونسينا انوثتنا وخلينا الغبار يتراكم عليها
وصعبناها علي نفسنا ونرجع نقول ازاي ؟؟؟؟؟؟؟؟؟؟ عايزة كل واحدة منكم تراجع الكلام ده كويس اوي وبينها وبين نفسها تقول انا لازم اكون الانثي دي ومش هانسي تاني اني امراة
ليست هناك تعليقات:
إرسال تعليق