خلااااصة قرائتى

اذا كان زوجك عصبى اوعى تقولى كلمه اهدى وهو منفعل هتعصبه اكتر واوووووعى تقوليلو طيب خلاص خلاص ماشى وتحسسيه انو طفل اهبل قدامك بتاخديه على اد عقلو اسكتى خااااالص لحد ما يخلص بعبعتو ولما يهدى كدا اتناقشى معاه بهدوء سعتها بجد هتسيطرى عليه ولو المشكله تافهه قوليو هوا يعنى علشان انا رقيقه وبنوته دلوعه بتعمل كدا فيا واديلو البوز دا

ايحاء البت الرقيقه المشاكسه
ومش تسكتى معناها تقفى تربعى ايدك وتبصيلو من فوق لتحت ولا تسبيه بيهبهب وتمشى من قدامو لا تمالكى اعصابك استعيذى بالله فى سرك واقفى بصيلو البصه دى.

· الرجل يعـــــــــشقق ويدووووووب فى المراه قويه الشخصيه

لما يحس ان ليها كيان وانها مستقله وبتقدر نفسها لو انتى مش مقدره نفسك وبتحترميها متستنيش من حد تانى يحترمها ولا يحبها.

· لو عاوزه تغيرى جوزك بجد امدحيه وانفخى فيييييييه وحسسيه انو سبع رجاله فى بعض هترجعيلو ثقتو بذاتو وهيحاول يحافظ على صورتو قدامك زى ما انتى شيفاها يعنى مثلا لو بخيل عليكى وجاب مره حاجه ولو كيس فاكهه وهوا داخل افرحى فرحه الاهبل فى العيد

واقعدى اتنططى وقوليلو ربنا يخليك لينا يا رب حتى لو مش مخلفه ولما يقولك انتو مين قوليلو انا وولادنا يا حبيبى احنا لينا حد غيرك فى الدنيا بعد ربنا.
· الرجل يحب المراه الجريئه الى بتعبر عن نفسها وعن مشاعرها

يعنى تحسسيه انك بتحبى كذا وتكرهى كذا كام واحده فيكو بتطبخ على مزاجو علشان تعملو الى بيحبو بزمتكو خليكى ذكيه حتى لو انتى نفسك تعمليلو اكل بيحبو قوليلو بما انى انا وانت بنحب السمك يا حبيبى هعمل
بكره سمك على الغدا.

· اعرفى ان ربنا خلق حواه من ضلع ادم من كتفو مش من تحت رجليه يعنى انتى مئامك من مئامو وحقك زى حقو وراسك براسو ودى مش خناقه لا دا حقك وتاخديه بزكائك وبمزاجو عن اقتناع مش بالخناق.

· لما تحبى تطلبى منو طلب تروحى تطلبيها وش كدا مش تلفى وتدورى وتتكسفى جربى بس واحده واحده هتيجى معاكى وهيشيل مسئوليتك على فكره بفا بالكس ما ناس كتير بتفكر الراجل بيحب يحس انو سى السيد وانو شايل احمال على كتفو ومسئول وشايل همك وهم البيت بيحس برجولتو واتاكدى لو مصرفش فلوسو عليكى وعلى البيت هيصرفها بره وانتى فاهمه بقا.

· غيرى عليه بس متكبسيش على نفسو كام واحده فيكو اول ما موبايل جوزها يرن تجرى اكنها اتكهربت تقف على ودنو وتقولو مين وحصل ايه وجرى ايه

فرصه ليكى تغيرى حياتك وتخليه يتلفت نظرو ليكى هيتجنن لما فى مره الموبايل يرن ومتجريش عليه وتعملى عمايلك دى هيحس بتغير ويقعد يفكر يا ترى مبقتش تحبنى يا ترى يا ترى ويهتم بيكى ويتجنن اوى.

· خليكى غامضه لغز فين جاذبيتك

خليه يحتار يا ترى بتفكرى فى ايه يعمل حساب لرده فعلك تجاهه الصمت هوا سر الجاذبيهالصمت هيديكى هاله من السيطره والنفوذ وجوزك هيبصلك على انك اكثر عمق وذكاء

· خليكى مستودع اسراره

اووووووعى تحصلكو مشاكل تعرفى اهلك بيها وخصوصا مامتك علشان دى اكتر واحده بتحبك فى الدنيا وعمرها ما هتنسالو انو زعلك وانتو تتصالحو وهى هتفضل شيلهالو ومهما كان دا جوزك حبيبك دى من ناحيه من ناحيه تانيه بقا انو هيحس بالامان معاكى وهتبقى مستودع اسرارو وهيعرفك الى وراه والى قدامو يبقى ضربتى عصفورين بحجر ولو كنتى خلاص عملتى كدا وحصل الى حصل ابداى صلحى صورتو قدام اهلك وعرفيهم انو بقا كويس معاكى وربنا يديمها نعمه طرقه تعامل اهلك معاه هتتغير وهوا هيحس بالافضل.

· اووووووووووووووووووووووووووعى تغلطى فى اهلك قدامو حتى لو اهلك دول اوحش ناس فى الدنيا حسسيه دايمآ انهم تمام وزى الفل وحاولى تحسنى الصوره قدامو علشان يحترمهم واحترامك من احترامهم صدقينى وعلشان يحس انك ليكى ضهر وكمان ميحسش انك ملكيش حد يعنى فى عقلو الباطن هيفكر انو مهما عمل فيكى انتى اصلا مالكيش حد دى بتتخزن كدا دايركت فى العقل الباطن ولو كان حصل وهببتى الدنيا حاولى بردو تصلحى الصوره يعنى تقوليلو تصدق بعد العمر دا كلو مكنتش فهماهم صح او يمكن بقا بابا هوا الى اتغير يلا الحمد لله .

· حاولى تحسسى جوزك ان اهلك بيجبولك وبيعملولك حتى ولو مبيجبوش حاجه اصلا على الاقل حوشى من مصروف البت بينك وبين نفسك وروحى هاتى شويه خزين ولا فاكهه للبيت

وقوليلو ماما جابتهوملى واتفقى مع مامتك ولا اختك وعلى فكره دا مش حرام لان دا بيرجعلو فى بيتو مش بتخبى فلوسو وتديها لاهلك ولا حاجه.

· اوووعى تغلطى فى اهل جوزك ابدا ولا تتكلمى عليهم بطريقه مش كويسه حتى لو هما بشعين خليكى ناصحه ذكيه اروبه لما حد يعملك حاجه خصوصا حماتك
خليكى بريئه قدامو طيبه ومستحمله علشان حبيبك علشان لما حد يروح من برا برا يقومو عليكى ولا يوقعو فيكى ميصدقش ابدا ويدافع عنك بس دا ميمنعش ان فى خطوط حمرا مينفعش حد يتعداها ولما يكون الغلط كبير اوى فيكى خدى موقف بس متغلطيش فيها قوليلها شكرا وامشى او مترديش خالص وامشى وحقك بقا الاستاذ جوزك لازم يجبهولك هوا بنفسو ومتسمحيش لحد يتدخل فى شئونك الخاصه.

· اعرفى ان كدا كدا هما هيجو يكبسو على نفسك خليكى ذكيه واعزميهم انتى احسن كدا بقا هنطلع بكان نقطه حلوين
اولا: الاسم انتى الى عزمتى يعنى بتحبيهم يجو وهما بقا لو شايفين انهم كدا جاين يرخمو عليكى اخواتو البنات مثلا هيلاقو ان دى حاجه مش بضايقك فرجلهم هتخف واحده واحده.
ثانيا: انتى الى عازمه معناها انتى المسيطره يعنى عارفه انهم جاين ومستعده بدل ما يجو على فجاه ويشوفو حاجه مش عوزاهم يشفوها تكونى طبعا منضفه بيتك وعاينه حاجتك وتديش فرصه لحد يعمل ريس عليكى.
ثالثا: جوزك هيفرح اوى بالحركه دى موووووت.
رابعا: بقا ودا الاهم لما يجى حد من اهلك هيبقى عاوز يشيلو فوق دماغو شيل.

· اخر حاجه بقا فى حورات الاهل دى ان اهم حاجه فى كل الليله دى حماتك وحماكى وخاصه حماتك لان معظم الرجاله بيحبو امهاتهم يعنى امو ثم امو ثم امو دى حاولى تشليها على راسك ومتدهاش فرصه ان يحصل مشاكل اصلا بينك وبينها وواحده واحده صدقووووونى هيبدا علاقتو بامو تخف بالتدريج كل ما يتعلق بيكى اكتر.

خلى عندك ثقه بنفسك عاليه اوووى حبى نفسك ودلعيها ودلليها وكافئى نفسك واستمتعى بوقتك شوفى نفسك جميله قبل ما حد يشوفك جميله دورى على عيوبك وصلحيها بنفسك واسهل حاجه انك تصلحى مظهرك الخارجى سهل اوى توصلى للوزن المثالى وتصححى عيوب بشرتك الخ الخ الخ...
اهم حاجه شخصيتك عقلك طريقه تفكيرك كام واحده بنشوفها جميله وكام واحده جسمها مثير بس فين الجاذبيه جواها خاوى
تعرفى انك لو ذكيه شخصيتك جذابه دلوعه دا بيعمى الراجل عن عيوبك الخارجيه وبيشوفك اجمل ست فى الكون.

**شششششششش بطلى بقا شغل الدبان الى بقينا فيه دا امسكى لنفسك كدا اسبراى ولما تحسى انك بقيتى دبانه بخى على نفسك اكنو مبيد حشرى

بتحبنى .. اد ايه .. احلف .. وعد عمرك ما هتسيبنى.. دودودودو فى ودن الراجل خليكى واثقه انك تتحبى حبى نفسك الاول علشان حد يحبك وخليكى عارفه انو عادى ان جوزك يحبك قولى اقفى قدام المرايه وقولى انا اصلا جميله عادى انو يحبنى لحد ما هتصدقيها واللهى وسعتها هوا هيحس بالتغير فيكى ويلزق فيكى اكتر لما يحس انك عندك اكتفاء ذاتى.
** خلى فيه خط احمر بينكم ميتخطهوش متقوليش بقا مفيش كرامه بينا واحنا واحد والكلام دا انتى تقدرى تهنيه وانتو بتتناقشو تقدرى تمدى ايدك عليه تقدرى تغلطى فيه

لا طبعا طيب ليه بفا بتسمحيلو بكدا هوا ابن ناس وانتى جايه من الملجأ مثلا؟؟؟
مينفعش يا حبيببتى ولادك يشفوكى وانتى بتتهانى مينفعش هوا يحس انك معندكيش كرامك مينفعش انتى تحسى بالمهانه قدام نفسك وهوا تتخزن فى عقلو الباطن صورتك وانتى بتتضربى وبتتنزلى اها اسمو زل امال انتى مفكره ايه؟؟

**غيرى فى حبك ليه وانتى بتنادى عليه مره يا بيبى مره يا حبى يا عمرى يا حياتى
بزمتك كام مره جيتى وانتو قاعدين قدام التليفزيون جريتى لزقتى فيه اديلو مساحه يتنفس انتى فى وشو ليل نهار يعنى مش هيحس بشوق ليكى طول ما انتى تحت ايدو كدا علطول اديلو فرصه توحشيه خليه قاعد يتفرج على حاجه ادخلى خدى شاور والبسى بيجامه ولا كاش قطن قصير وحطى لوشن وسرحى شعرك واقعدى فى كرسى تانى وحطى رجل على رجل وخلى ركبتك تشاور عليه واعملى عصير ولا حاجه دافيه اشربيها وانتى قاعده وحياه ربنها لها مفعول السحر ومغريه موت
ومتقديش تتفرجى عليه لا اتفرجى على التليفزيون متبصلوش خالص غير نظرات كدا من تحت لتحت واعملى بايدك الرحركه دى وانتى قاعده

شوفتى الجمال وانتى قاعده بالطريقه الجذابه دى واالهى هيقعد يتفرج عليكى مش على التليفزيون

هتكلم دلوقتى عن النوم مع زوجك

· متعوديش نفسك انتى ولا جوزك تنامو وانتو مش راضين عن بعض.

· اوعى تسيبى البيت مهما حصلولما تزعلى منو اديلو ضهرك بس كدا.

· متعوديش جوزك ينام برا البيت الا للظروف القصوى اووووى.

· محدش فيكو يروح ينام قبل التانى عوديه ينام فى حضنك ولما يتعود على كدا صدقينى مش هيعرف ينام بعد كدا الا فى حضنك.

قبل ما تنامى متنسيش تحطى كريم الليل / زبده الكاكاو / كريم يد / كريم قدم وتسرحى شعرك وتسيبيه سايب وخليه يشوفك وانتى بتحطى الكريمات هيحس بانوثتك...

· خلى برفان خاص بيكى تحطيه قبل ما تنامى علطولويكون هادىء ورقيق وانصحك جيوردانى وايت من اوريفليم منتهى النعومه مستخلص من رائحه الفانيليا والورودوالياسمين اللدن مزجت مع مستخلص العسل وشذى المسك وعلى فكره رقيق بس ثباتو عالى اوى.

·حاولى تجددى فى لبسك وانتى نايمه وجربى مره نامى جمبو بالبكينى فقط مره قميص ستان مره شيفون مره بيجامه قطن وهكذا ودايما تبقى حجات خفيفه ورقيقه وخليكى فى الفواتح الزهرى بالوانه واللبنيات الابيض والسمنى الروزات.

· نوعى فى طرق نومتكو مره نايم على كتفك مره انتى نايمه على صدرو مره وهو حاضنك من ضهرك واتعمدى اتقلبى وانتى نايمه وخبطى فيه كدا بنعومه.

· عوديه قبل ما ينام تعمليلو كبايه لبن دافى زى الاطفال وخليه يحس بحنانك قبل النوم دا اكتر وقت الاوعى بتاعو بيستقبل حنانك.

· حاولى تكلميه وهوا نايم مره ممكن يكون عامل نفسو نايم ويسمعك ولو نايم فعلا صدقينى كلامك هيدخل على عقلو البطان علطوول وع الاوعى بتاعو هيسحرو اهمسى فى ودنو وقوليلو اها لو تعرف بحبك اد ايه ملاك نايم وبوسيه فى خدو او على جبينو.

· عودى نفسك انتى وهواتقرو ازكار المساء وتقرو المعوزتين وايه الكرسى وتقولو( بسم الله الذى لا يضر مع اسمه شيىء فى الارض ولا فى السماء وهو السميع العليم) 3 مرات
وتقولو (بسمك ربى وضعت جمبى وبك ارفعه) واللهى مفعووووووول السحر انتى تقولى مره وهوا يردد وراكى ومره تانيه هوا يقول وانتى ترددى وراه
حتى اى بنت تتفق مع خطيبها انهم يقولوها قبل النوم وربنا هيسر امورهم من عندو كدا.

ومتنسيش انك لازم تبقى نايمه زى الملاك وزى الاطفال وكلك 

 برائه ونعومه

اقولكم سر انا عندى نوته كبيره كل ما افتح موضوع واطلع بمعلومه مفيده ادونها علشان منسهاش وكل ما ببص فى النوته بحفظ المعلومه اكتر لحد ما اتعود عليها وتبقى روتين فى حياتى
هاتو نوته او اجنده بس تكون بناتى وتفتح النفس وسجلو فيها علشان متنسوش الحجات وتفضل معاكو زكرى جميله وتفتكرو الحجات الى غيرتو بيها حياتكو للافضل










 ( الموضوع دا منقول للامانة)